Դրոգբան չի մասնակցի "Արսենալի" դեմ խաղին

Դիդյե Դրոգբան եւ Դավիդ Լուիսը չեն մասնակցի «Արսենալի» դեմ խաղին, ասել է «Չելսիի» մարզիչ Ռոբերտո Դի Մատեոն:

Ապրիլի 18-ին «Բարսելոնայի» դեմ խաղում «Չելսիի» 34-ամյա հարձակվող Դիդյե Դրոգբան  վնասել է ծունկը: Ամենայն հավանականությամբ կոտդիվուարցուն կխնայեն Չեմպիոնների լիգայի պատասխան խաղի համար, որը տեղի կունենա ապրիլի 24-ին «Բարսելոնայում»: «Արսենալի» հետ խաղին չի մասնակցի նաեւ «ազնվականների» ֆուտբոլիստ Դավիդ Լուիսը, ով դեռ չի հասցրել վերականգնվել, հայտնում է Reuters-ը: