Գլխավոր էջ » 2012 Հուլիս 21 » Բլոգ. Ձեզ ենք ներկայացնում Տորրեսի հետ մի հետաքրքիր հարցազրույց
Բլոգ. Ձեզ ենք ներկայացնում Տորրեսի հետ մի հետաքրքիր հարցազրույց
ArmChelsea.Com կայքը, իր այցելուներին հնարավորություն է ընձեռում ծանոթանալ սիրելի թիմի՝ Չելսիի, սիրելի ֆուտբոլիստի նախնտանքերի, սիրած զբաղմունքների և այլ հետաքրիր ինֆորմացիաների մասին:1)Օդանավ նստելիս քեզ հետ համակարգիչ վերցնո՞ւմ ես:
- Այո, ես դա օգտագործում եմ, որովհետև սիրում եմ ֆիլմեր դիտել, բացի այդ էլ դրա միջոցով ստուգում եմ էլեկտրոնային նամակներս: Իմ` ամենաշատ այցելվող կայքը վիկիպեդիան է:
2) Ֆիլմե՞ր, թե՞ սերիալներ:
- Իմ ընկերներից մեկը` Խաբի Ալոնսոն ֆիլմերի մեծ հավաքածու ունի, բայց ես դա գողացել եմ նրանից: Ես դրանցից մի քանիսը դիտել եմ, բայց դրանց ավարտը ինձ դուր չի եկել:
3) Քո նախընտրած ֆիլմը և դերասանը:
- Ես բազմաթիվ ֆիլմեր եմ դիտել: Բայց ամենից շատ ինձ դուր է եկել «Կյանքը գեղեցիկ է» ֆիլմը:
4) Ի՞նչ տեսակի երաժշտություն ես սիրում լսել:
- Իմ բժիշկը` Գոթան, Էլվիս Պրեսլիի մոլի երկրպագու է, և նա ինձ ստիպեց լսել Էլվիս: Ես կարդացել եմ նրա կարիերայի վերաբերյալ բազմաթիվ տեղեկություններ, այն շատ հետաքրքիր էր և տպավորիչ:
5) Երգ, որը քեզ շատ է դուր գալիս:
- Դրանք շատ-շատ են, բայց ես կառանձնացնեմ "Wonderwall"-ը` Օազիսի կատարմամբ:
6) Դու խաղո՞ւմ ես վիդեոխաղեր:
- Այո, ես ֆուտբոլային խաղեր եմ խաղում: Մենք ընկերներով հավաքվում ենք , մրցում : Բայց միևնույն է միշտ ես եմ հաղթում:
7) Կարդացածդ վերջին գիրքը:
-"Monk who sold his Ferrari"
8) Ո՞րն է քո բնավորության լավագույն գիծը:
- Ես չգիտեմ, թե իմ մասին ինչ ասեմ: Մարդիկ ասում են, որ դա իմ մարդկային լինելն է, բայց ես կարծում եմ, որ բոլորս էլ մարդկային էակներ ենք: Ես փորձում եմ ընտանիքիս և ընկերներիս հետ մոտիկ լինել: Ֆուտբոլիստի համար կարևոր է անձնական կյանքը առանձնացնել ֆուտբոլից: Եվ որ ամենակարևորն է, յուրաքանչյուր ոք պետք է նույնը մնա անկախ հարստությունից ու փառքից:
9) Բնավորությանդ ամենավատ գիծը:
- Ես ամեն օր ստիպված եմ լսել մարզչի, ընկերներիս, ընտանիքիս խորհուրդները: Ես շատ ցրված եմ, շատ բաներ եմ մոռանում, իսկ մարդկանց անուններն ու դեմքերը հիշելու հարցում պարզապես սարսափելի եմ : Երբ ես հանդիպում եմ մարդկանց, չեմ հիշում` նախկինում տեսել եմ նրանց, թե ոչ:
10) Իսկ քո ամաչկոտությունը:
- Ես չեմ կարծում, որ դա բնավորության վատ գիծ է: Դա նույնիսկ լավ է որոշ դեպքերում:
11) Իսկ ի՞նչ կասես թուլությանդ մասին:
- Ես շաաաաաատ եմ սիրում քաղցրավենիք` բոլոր տեսակներն անխտիր:
12) Այս աշխարհում ամենաշատն ի՞նչն ես ատում:
- Նախանձը և այն մարդկանց, ովքեր կարծում են, որ ամեն ինչ գիտեն:
13) Լավագույն խորհուրդը, որ երբև ստացել ես:
- Այն, որ առանց իմ թիմակիցների ես ոչինչ եմ: Ռաֆա Բենիտեսն է ասել ինձ:
14) Քո սիրելի ուտելիքը:
- Ծովամթերք, հատկապես, երբ այն կնոջս տատիկն է պատրաստում:
15) Իսպանիայի խորհրդանիշը:
-Մեր դրոշը: Մարդիկ մեր երկրի խորհրդանիշ համարում են ցլամարտը, բայց ինձ համար Իսպանիան ավելի կարևոր բաներ ունի:
16) Քո կուռքը:
-Կիկոն:
17) Կյանքիդ ամենահիշարժան պահը:
- Աղջկաս ծնունդը:
18) Կարիերայիդ ամենահիշարժան պահը:
- Վիեննայում տեղի ունեցած Եվրոպայի առաջնության եզրափակիչը:
19) Նախընտրածդ սպորտը, դե իհարկե ֆուտբոլից հետո:
- Թենիս և Ռաֆա Նադալ:
20) Աշխարհի առաջնությունից քո առաջին տպավորությունը:
- Հիշում եմ, երբ ես և եղբայրս դիտում էինք աշխարհի 1994թ. առաջնությունը: Ես այն ժամանակ շատ փոքր էի` ընդամենը վեց տարեկան:Համոզված եմ, որ դիտել եմ բոլոր խաղերը, բայց հիմա լավ չեմ հիշում:
Տարածել լուրը`